Jeikerã

Hetaitereígui umi ojaposéva mbo'epy jeikerã ha ome'êséva aranduchauka jeikerã ohechauka tekotevêha aporekokuaa jepuru osê porãve ha hesakã porãve hagua jeikerã apopy. Aranduchauka jeikerã rehegua tepyme'ê Internet-pe Umi oikeséva oporandukuaa ñe'êmondoha rupive iñaranduchaukakuéra tepyme'ê ha ohesa'ÿijokuaa mba'éichapa osê jeikerã apopy pukukue Ñemoñe'ê techarekóva ha mba'apoñemboguata ñaniryireko rupive UNA-pegua aporape marandukuaapygua ha mba'eñemohenda ombojeheguíva jeikerã apopy aporekokuaa jeporavo rupive

Ñemoñe'e techarekóva

CREA - Aranduchauka Jeikerã Tepyme'ê rehegua porandurã Internet rupive

Ko jekuaapy pytyvõ rupive, umi oikeséva opavave arandurãmegua, ikatu oporandu ñe'êmondoha rupive aranduchauka tepyme'ê agaguáre oîháicha jeikerã apopýpe, Internet rupive térã UNA joaju rupive, ko mba'e ikatu ojejapo umi mbo'ehao'atykuérape, CNC oipytyvõva aranduchauka ñemboguatápe ñaniryirekóre.

Reimerõ oikeséva apytépe ikatu rejeporeka nderérare

Eikérõ http://admisión.cnc.py oikeséva ojekuaauka ome'êvove papapy ikuatia terakuaaukaha ha PIN rehegua, ohejáva chupe ohecha mbo'ehaorusúpegua tepyme'ê ohypytýva aranduchauka jeikerã térã mbo'esyry jeikerãme, ikatu avei oikuaa atýpegua tenda ohupytýva ohóvo ha henda paha ohupytýva kyta aty rupive ombyatýva opavave aranduchauka ñeme'ême, avei ohechakuaa ikatúpa oike gueteri térã opytáma okápe.

Ko pytyvõ ojejapo avei ikatuhaguáicha opavave oike ipype oikuaa hagua aranduchauka jeikerã tepyme'ê aty. Ko web-pe reikérõ, opavave ikatu ohecha tysýi oîha kyta aty pehengue, oikéva réra tysýi ha ambue marandu papyarekopy.

Aranduchauka Ñemboguata Ñaniryirekóre

Opavave jekuaapy ojekuaaukáva CREA-pe, oñeguenohê mba'ekuaapýgui, ñe'êmondoha rupive, aporape marandukuaapy Ñemoñe'ê techareko ha Aranduchauka Ñemboguata Ñanirýirekóre rehegua, ha'éva peteî pehengue Mbo'epy Aporape UNA-pegua, ojejapopaitéva ñane retãme CNC rupive.

Ko mba'e oikuave'ê mbo'ehao'aty mbo'epygua ombojehegui hagua jeikerã apopy aporekokuaa jeporavopyre jepuru rupive, heseve ojejapo porãvéta tepyme'ê ñeme'ê, hesakãvéta aranduchauka jehecha ha tepyme'ê apópe ndojejavymoãi. Ko Aporape ojapóma pa ary ojepuru hague UNA-pe ojejavy'ÿre, avei ambue mbo'ehaovusu ha mbo'ehaokuérape ojeruréva'ekue ko mba'e.

CNC software tembipuru aty ndive oikuave'ê avei ñemyatyrõ opáichagua omoirûva jeikerã apopýpe, oikeséva terajehai guive, aranduchauka apopýpe, mbo'ehakoty ha apyka papapy jeporavo ijeheguirei aranduchauka ñeme'ême guarã, ojapóva tysýi tenda rehegua oipytyvõva'erã ñemohenda ha jesareko mbaretépe ojeike hagua mbo'ehakotýpe aranduchaukarã, ohasapyre jehepyme'ê ijeheguíva rupi, oipurúva ñemoñe'ê techarekóva ipya'evéva ojejapopyre ã tembiapópe guarã. Ijoapýpe oiko tepyme'ê apo, mbo'ehaoty mbo'epygua reko he'iháicha, oikeséva tepyme'êavy, mbo'eharakuéra ha mburuvichakuéra, avei papyaporeko rehegua ohechaukáva aranduchauka tasykue ha jegueroviapy ikatúva ojepuru ojehesa'ÿijo hagua jehupytypyre.

Ko apopy oñemohu'ã ha'e jekuaauka Internet rupive, oñekotevê'ÿre tekovére omoî hagua mba'ekuaapy kuatiavorépe. Ikatúgui oñenohê Web-gui umi mba'ekuaapy oîva Aporapépe.

Oikeséva katu ojeporekarangue opárupi oikuaa hagua hi'aranduchauka tepyme'ê , ikatu ojapo hóga, imba'apo térã ambue tendágui oîháme kumbyry ojepurúva Internet-pe guarã, oîva ojepuruhaguáicha 24 aravo pukukue, opa árape.